مقروط النقّاش خطوة بخطوة

الأطباق الشهية والحلويات

المشرفون: سوسن, الإشراف

مقروط النقّاش خطوة بخطوة

مشاركةبواسطة سوسن » الجمعة أكتوبر 06, 2017 3:24 pm

السلام عليكم و رحمة الله تعالى و بركاته


مقروظ النقاش خطوة خطوة من مطبخ ام اماني (للأمانة طبعاً)

السلام عليكم اخواتي نتمنى تكونو كاااامل بخير
وصفة اليوم مقروط النقاش صراحة جربت عدة وصفات لكن هذا الوصفة كانت الاحسن على الاطلاق يجي يذووووب في الفم نخليكم مع المقادير والخطوات
المقادير:
3 كيلات سميد متوسط من النوع الممتاز انا نستعمل دائما سميد السفينة هايل للمقروظ
كيلة ونصف فرينة
كيلة معمرة مليح سمن ذايب وبارد
نصف كيلة زيت
ملح على حساب كمية الدقيق والفرينة نملح اقل من الكسرة بشوية
خليط من الماء وماء الزهر انا استعملت ثلاثة ارباع الكيلة على حساب نوعية الدقيق
الحشو
غرس منقي ومرحي نفوروه ونضيفلو 3م ك سمن ذايب+3 م ك عسل+نصف م ص خميرة الحلوى+شوية قرفة+القليل فقط من القرنفل مرحي وهذا الكمية لبلاطو صغير نمزج المقادير مع بعض ندهن يدي بشوية زيت ونشكل حرابش
على فكرة من لا تحبّ الغرس(التمر) تقدر تستعمل الطريقة القديمة في الحشو و لّي هي السميد و القرفة و شوية دهان

الطريقة:

هذا دقيق السفينة المتوسط يتباع بحجم1كغ هااايل للمقروظ
نخلط كمية السميد مع الفرينة والملح ونضيف السمن الذايب والبارد والزيت

نخلط باليد راح يكون الخليط جاري شوية عادي نضيف كمية الماء وماء الزهر ونلم العجينة بلا مانعجنها
صورة

نغطيها ونخليها ترتاح على الاقل ساعة
ناخذ كمية من العجينة ونضع بداخلة حربوش من الغرس
صورة

نغلق عليه بالعجين ونشكل حربوش واذا كان طويل نقسم على اثنان لتسهيل العملية

نقطع مقروضات ونستعمل طابع على شكل معين باه الحبات يجيو كيف كيف ولي ماعندهاش تقطع وتحاول يكون حجم الحبات متشابه

وبواسطة النقاش ننقش من فوق
صورة

نحط الحبات في البلاطو بجانب بعض باه ما يتحرقش الغرس
صورةصورة
ندخل للفرن يكون مسخن مسبقا على درجة حرارة200 درجةفي الرف الاوسط ونراقب الطياب
كي يطيب من الاسفل نهبطو للرف السفلي ونشعل من فوق حتى ياخذ لون ذهبي فاتح
بعدها نخرج من الفرن ونخليه يبرد تماما
نسخن العسل مع ماء الزهر ونشحر الكمية لي نحتاجها ونحتفظ بالباقي في علبة حتى لمدة طويلة وهذا شكله النهائي
صورة

صراحة يجي هاااااايل ويذوب في الفم
ملاحظة
ممكن الكيلة تكون صغيرة نستعمل كأس مثلا ونجرب ويمكن نعملو بالطابع العادي بلا نقاش

نتمنى يعجبكم وتجربوه واكيد راح تدعولي
في امان الله
صورة
صورة العضو الشخصية
سوسن
عضو مميز
 
مشاركات: 3460
اشترك في: الاثنين نوفمبر 17, 2014 5:04 pm
قمت بتوجيه الشكر: 357 مرة / مرات
تم توجيه الشكر لك: 612 مرة / مرات

Re: مقروط النقّاش خطوة بخطوة

مشاركةبواسطة مرزية » الجمعة أكتوبر 06, 2017 3:34 pm

شكرا على الوصفة .
هذه حلوى تقليدية لذيذة جدا.
مرزية
عضو مميز
 
مشاركات: 2484
اشترك في: الثلاثاء نوفمبر 25, 2014 2:15 pm
قمت بتوجيه الشكر: 286 مرة / مرات
تم توجيه الشكر لك: 337 مرة / مرات

Re: مقروط النقّاش خطوة بخطوة

مشاركةبواسطة حبيبة » السبت أكتوبر 07, 2017 2:25 pm

جزاك الله خيرا اختي الحبيبة على هذا النوع من الحلوة اللتي يحبها الكبار والصغار انها لذيذة
صورة
صورة العضو الشخصية
حبيبة
عضو مميز
 
مشاركات: 3668
اشترك في: الأربعاء أكتوبر 09, 2013 12:36 pm
قمت بتوجيه الشكر: 657 مرة / مرات
تم توجيه الشكر لك: 555 مرة / مرات

Re: مقروط النقّاش خطوة بخطوة

مشاركةبواسطة سندس اية » السبت أكتوبر 07, 2017 9:13 pm

جزاكم الله كل خير
سندس اية
عضو مميز
 
مشاركات: 2974
اشترك في: الخميس يونيو 13, 2013 10:05 pm
قمت بتوجيه الشكر: 538 مرة / مرات
تم توجيه الشكر لك: 471 مرة / مرات


العودة إلى الطبخ

الموجودون الآن

المستخدمون المتصفحون لهذا المنتدى: لا يوجد أعضاء مسجلين متصلين و 1 زائر

cron