عجْبَتْني بزاّفْ حبيت ننقولهالكم

تكلم هنا بالدارجة

المشرفون: سوسن, الإشراف

عجْبَتْني بزاّفْ حبيت ننقولهالكم

مشاركةبواسطة سوسن » الأحد يناير 07, 2018 3:46 pm

السلام عليكم و رحمة الله تعالى و بركاته
هذا ردّ شخص في صفحة من صفحات الفايسبوك يقول فيه:
الكائن الجزائري الافريقي الروجي حاب يصلي .. وحاب يصوم .. وحاب يسكر .. وحاب يزني .. ويتزوج بوحدة عذراء .. ويبات مع عاهرة .. وفالصباح إيقولك كثر الفساد في هذا البلاد .. يحب يشد النيمرو تاع بنت جارو.. وحاب جارو يحترم ختو .. وحاب ختو دير الحجاب وباغي يتصاحب مع وحدا بلا حجاب .. يطلع في البيس يظلم بنات الناس ومايحبش اختو تتطلع في البيس ...حاب يروح للحج ويزور مقام النبي وفي الصيف يروح يصيف في سوسة والحمامات .. يكره فرانسا ولكن يحب يعيش فيها... ويحب فلسطين أكثر من بلادو .. يحب يتصاحب مع ڨاورية ملحدة .. وميحملش يشوف جزائرية بلا حجاب .. حاب يطبق الشريعة في بلادو .. ويتسابق على فيزا باش يروح للطاليان .. حاب يخرج ويلقى البيرا والشراب .. ويديرلك محاضرة على الفساد الخلقي في البلاد .. يكمي الشيشة ويبات يضرب فالجوانات وكي يدخل للفايسبوك يعطيك مناظرات عن تارك الصلاة، .. يتفرج فالفيديوهات الممنوعة .. وبعد ساعة يطلق فيديوهات تاع المسيحيين لي يدخلو للاسلام وعينيه يغرغرو بالدموع .. يطلق الستاتي تحريشة وموراه دعاء تاع السديس ....إيروح للسوق يسرق قندوره باه يصلي بيها في الجامع... يشتكي من العنصرية ومايحملش إشوف الافارقة يطلبو قوتهم في الطريق ...يشتكي من المعريفة ويمد لجارو لي يخدم فلا بوصط باه يجبدلو الصوارد ...يشتكي من غش المسؤولين وهو متخرج بميموار سارقها من لانترنات ...يشتكي من الرشوة ونهار إنحولو البارمي يحوس على بوليسي يمدلو شيبة ويرجعلو بارميه ...يشتكي من جهوية المسؤولين ومايحملش إيشوف واحد جاي من ولاية اخرى يخدم ويسترزق في ولايتو ...الخلاصة هي أن الكائن الجزائري الروجي الوانتوتريستي، هو كتلة من العاهات و التناقضات والعقد ، يفهم في الدين يفهم في السياسة يفهم في البالون يفهم في الاقتصاد يفهم في التاريخ وكي تحكي معاة ماتفهم والو... هو براسو ماهوش عارف واش باغي واش ماهوش باغي .. تالفين عليه المفاهيم وموش عارف يشد الدين ولا الدنيا ولا الإسلام ولا العلمانية ....تسقسيه نتا مسلم إيقولك ايه بصح مانصلي مانصوم ما ندير لحية ..إذا أنت لائكي إيقولك كيفاش تقول علي هذا الهدرة...يحتفل بالريفيون وبالمولد النبوي الشريف وبمحرم وبالهالووين وبعيد الحب وعاشوراء ويناير والعيد لكبير والعيد الصغير والزومبي فيستيفال ووووو..... تخلطولو عليه العادات والتقاليد مع المبادئ والشرف ومع واش تربى عليه ..حتى اصبح كائن هجين فريد من نوعه في العالم ... واذا اقترحت عليه يعيش فالسعودية يقولك لا شوية لربي وشوية لعبدو .. عايشين بواحد السطحية راسك يتزير.. تهدر معاه يڨولك هوما اللي بغاونا نكونو هكا، تسقسيه شكون هوما مايعرفهمش اصلا.

صورة
صورة العضو الشخصية
سوسن
عضو مميز
 
مشاركات: 3654
اشترك في: الاثنين نوفمبر 17, 2014 5:04 pm
قمت بتوجيه الشكر: 362 مرة / مرات
تم توجيه الشكر لك: 630 مرة / مرات

Re: عجْبَتْني بزاّفْ حبيت ننقولهالكم

مشاركةبواسطة مرزية » الأحد يناير 07, 2018 4:41 pm

معه حق في كل ما قاله وهذا يناسب حال معظم المسلمين الا من رحم ربي
مسلمون بالإسم فقط حياتهم كلها تناقضات الم ينتبهوا الى قول الله عز وجل في سورة الصف:بسم الله الرحمن الرحيم
يا أها الذين آمنوا لما تقولون ما لا تفعلون كبر مقتا عند الله أن تقولوا ما لا تفعلون.
صدق الله العظيم
نسأل الله الهداية .
مرزية
عضو مميز
 
مشاركات: 2654
اشترك في: الثلاثاء نوفمبر 25, 2014 2:15 pm
قمت بتوجيه الشكر: 296 مرة / مرات
تم توجيه الشكر لك: 352 مرة / مرات


العودة إلى الدارجة العامية الجزائرية

الموجودون الآن

المستخدمون المتصفحون لهذا المنتدى: لا يوجد أعضاء مسجلين متصلين و 1 زائر

cron