فاتْ وَقْتْها بصّحْ معْليشْ نْحبْكُمْ تَقْراوْها

تكلم هنا بالدارجة

المشرفون: سوسن, الإشراف

فاتْ وَقْتْها بصّحْ معْليشْ نْحبْكُمْ تَقْراوْها

مشاركةبواسطة سوسن » السبت مارس 17, 2018 4:14 pm

السلام عليكم
هذا المنشور لْقيتَهْ في صفحة الطبخ الجزائري بمناسبة عيد المرأة و هاهو منقول للفائدة مع العلم أنّ الكثيرات من النساء ما عْجَبْهُمْشْ و لامُوا الصفحة على هذا المنشور و قالولها هاشي معندوا حتّى علاقة مع الواقع بصّحْ أنا عْجبني و قلت الله يَعْطيها الصحّة لي كتْباتَهْ و أنتم واشْ رأيكم.......
عيد المرأة في الجزائر:
تنويه: اي تشابه بين الاحداث والواقع فهو غير مقصود.
سعاد امرأة جزائرية تمتلك وظيفة جيدة وسيارة. متوسطة الطول خمرية البشرة، شعرها أسود ومن كتر ما صبغتو اصفر عاد يبان مصدد.
سعاد كانت تدرس تخصص فلاحة كي فتحوه جديد ونجحت فيه ليس لانها ذكية ، بل لانهم كانو خمس وعشرين بنادم في الدفعة، وكان الميموار تاعها حول ذبابة الفاكهة. ولانها اول دفعة قدرت سعاد تتحصل على وظيفة بسهولة.
لما توظفت سعاد كان عندها زميل معجب بها وحب يزوجها لكنها رفضت لسبب واحد، هو انو ما يقدرش يحنيلها على المحزمة، لانو نجاة بنت خالتها اللي ماهيش قارية مش خير منها.
سعاد لا تهمها كثيرا نضالات المرأة عبر العالم والمكاسب الثورية اللي حققتها حتى الان، فالثورة الوحيدة بالنسبة لها هي دخول الكيراتين الى الجزائر ، لانو اكسبها شعر بمميزات أوروبية.
سعاد تسلك خمس ملاين، تصرفهم بحكمة، مليون abonnement تع الحفافة، زوج ملاين مكياج بكل انواعه، ماسكرات، علب الالوان، الكريمات تع الصباح وتع الليل واللي قبل الغدا وتع السحور، المهم كلها.. وزوج ملاين للملابس اللي تروح تشريهم من محل فاخر مش لانو عندها الدراهم بل لأنها لا تثق في ذوقها، ولانو صاحب المحل فاقلها، عاد يبيع لها القش اللي واحد ما يشريه ويبلعطها فيه.. وآخر مرة باعلها معطف بنفسجي مرسوم فيه كلاب صغار وقاللها هذا très à la mode جاي من الترك بصح الموديل تع Vogue, ولانها غبية أمنتو.
كل يوم تتأنق سعاد وتحط العطر الفاخر وتخرج للعمل عل وعسى تصادف اللي رايح يحنيلها على المحزمة، وترسم خانة كبيرة في وجهها كما تع سميرة توفيق، فتضج منها الانوثة ضجا ( والله ما علابالي واش معناها تضج هدي لكن لا يهم) تروح تخدم وتقضي ثلاث ارباع الوقت في المشايخة مع زملاء العمل كي توصل الطناش الا ربع تهز صاكها وما تشوفش وراها باش تزرب تروح تتغدا،
واش تتغدى سعاد؟!!!
تغدى بزلوف، فتتبخر هذيك الانوثة في حضرة البوزلوف.
المهم
سعاد تنتظر عيد المرأة بفارغ الصبر باش ما تخدمش، فتخرج من الخدمة على الحداش تروح للحفافة مبعد تتأنق وتتجه نحو اي حفلة اتيحت لها باش تروح defouli وتنحي على بالها وتطلق العنان للرقاصة الكامنة بداخلها، فترقص حتى تفقد وقارها.. وهذا هو عيد المرأة عندها
وبالتالي نستنتج ان عيد المرأة عندنا هو نفسو تطياش النشرة تع بكري دارلو mise a jour برك.
ملاحظة: تطياش النشرة عادة قديمة كانت تقام هنا يروحو النسا فيها للاضرحة ويشطحو حتى يطيحو ويقدمو ذبائح وقرابين وما الى ذلك.
شكرا على حسن الاصغاء والمتابعة
#جيهان_سمرقند
صورة
صورة العضو الشخصية
سوسن
عضو مميز
 
مشاركات: 3835
اشترك في: الاثنين نوفمبر 17, 2014 5:04 pm
قمت بتوجيه الشكر: 368 مرة / مرات
تم توجيه الشكر لك: 641 مرة / مرات

Re: فاتْ وَقْتْها بصّحْ معْليشْ نْحبْكُمْ تَقْراوْها

مشاركةبواسطة مرزية » السبت مارس 17, 2018 9:11 pm

في رأيي سعاد لا تمثل الا نفسها فهذا نمودج و ليس كل جزائرية تعيش مثلها أما فيما يخص تطياش النشرة فهذه عادة تقوم بها النساء الراغبات بالزواج في 21 مارس هنا في شاطئ سيدي المجدوب .
مرزية
عضو مميز
 
مشاركات: 2830
اشترك في: الثلاثاء نوفمبر 25, 2014 2:15 pm
قمت بتوجيه الشكر: 300 مرة / مرات
تم توجيه الشكر لك: 360 مرة / مرات

Re: فاتْ وَقْتْها بصّحْ معْليشْ نْحبْكُمْ تَقْراوْها

مشاركةبواسطة سوسن » السبت مارس 17, 2018 9:28 pm

و هذا تطياش النشرة لي راهم يديروه في سيدي المجذوب زعما كاينة منها؟؟؟؟؟
صورة
صورة العضو الشخصية
سوسن
عضو مميز
 
مشاركات: 3835
اشترك في: الاثنين نوفمبر 17, 2014 5:04 pm
قمت بتوجيه الشكر: 368 مرة / مرات
تم توجيه الشكر لك: 641 مرة / مرات

Re: فاتْ وَقْتْها بصّحْ معْليشْ نْحبْكُمْ تَقْراوْها

مشاركةبواسطة مرزية » الأحد مارس 18, 2018 3:43 pm

هذه شعودة في رأيي
في دول عربية اخرى هناك احتفال بعيد العزاب وهذا ما يشبهه عندنا غير ان النسوة تقوم ببعض الطقوس ما أظنها الا شعودة
الله يهدي ما خلق.
مرزية
عضو مميز
 
مشاركات: 2830
اشترك في: الثلاثاء نوفمبر 25, 2014 2:15 pm
قمت بتوجيه الشكر: 300 مرة / مرات
تم توجيه الشكر لك: 360 مرة / مرات

Re: فاتْ وَقْتْها بصّحْ معْليشْ نْحبْكُمْ تَقْراوْها

مشاركةبواسطة سندس اية » الأربعاء مارس 21, 2018 7:16 am

الله يهديهمو يعقلهم عندنا قى بلادنا مشعودين كثير ولواتبعوا القران لكان خيرالهم لان اية من اياته او دعاء من ادعية الرسول محمد صلى اله عليه و سلم لانحلت عقدهم
سندس اية
عضو مميز
 
مشاركات: 3114
اشترك في: الخميس يونيو 13, 2013 10:05 pm
قمت بتوجيه الشكر: 544 مرة / مرات
تم توجيه الشكر لك: 478 مرة / مرات


العودة إلى الدارجة العامية الجزائرية

الموجودون الآن

المستخدمون المتصفحون لهذا المنتدى: لا يوجد أعضاء مسجلين متصلين و 1 زائر

cron