كلمات حراڤ

تكلم هنا بالدارجة

المشرفون: سوسن, الإشراف

كلمات حراڤ

مشاركةبواسطة مرزية » الثلاثاء سبتمبر 19, 2017 2:03 pm

و انا راكب في فلوكة هارب_مالبلاد
تفكرت ليامات لي عشتها مع لوﻻد
تفكرت اللمة فالكرطي الضحكة و الشيخات
تفكرت لي ماتش القصرات و التبحيرات
كيفاه كنا صغار ما نحسبوش للحياة
و ليامات لي راحت جامي ما وﻻت
البحر كبير و انا حلمي صغير
خدمة دار عروسة و طوموبيل
حلم صغير مي في بﻻدي مستحيل
مع وﻻد الكلاب لي خلاوني ذليل
كي نتفكر مالحڨرة واش قاسيت
و نتفكر قداه من ليلة بكيت
خليوني نروح اني عييت
سيبون صليت و دعيت
ربي يخرجني من بﻻد العفاريت
حياتي راحت فاها خسارة
عجال مول الشكارة و الدولة الحقارة
وﻻدهم كل يوم يبدل سيارة
و انا ما عنديش حق قهوة وﻻ سيجارة
وﻻدهم بهايم يخدمو فالشركات و الادارة
و انا نقرى باه نروح للعسكر نموت برصاصة غدارة
سامحيني يا دزاير والله نحبك من قلبي
مي لي حكموك اغتصبوك و ما يخافوش ربي
مليون و نص راجل كيما علي و العربي
ماتو باه يعيش الشعب مي عاشو فيها ولاد العاهرات و الحركي
خلاوني نهدر العيب و انا والله متربي
الله غالب قلبي او منهم معبي
نشوف في روحي في بﻻدي ضايع
حياتي وﻻت خلايع كل دقيقة غير الفجايع
يا ربي راني ليك طايع
سهلي طريق الحرقة فيها اطول سوايع
الموجة بدات تطلع و البحر تقلب
الفلوكة بدات تلعب الدين
ي معاها يضرب
سيبون وصلت الساعة و ما عندك وين تهرب
ملك الموت سيبون بدى يقرب
تفكرت ميمتي الغالية الحنينة
تفكرت بابا لي تعب و شقى علينا
تفكرت خاوتي الصغار
تفكرت كيفاه كنا فالدار
دموعي طاحو بالقنطار
مي درك سي تروطار
الشهادة و الاستغفار
رايحين للمولى الغفار القهار
يمى بابا ولدكم مات حراق سامحوني
دموعكم الغاليين في قلبي يحرقوني
عمبالي غير انتوما لي رح تتفكروني
و خاوتي لي كانو نور عيوني
نحبكم و سامحوني سامحوني سامحوني
الله غالب صحاب الكروش هوما لي وصلوني
الفقر و الظلم هوما لي بعتوني
يمى ولدك ما يحملش الذل
بابا ولدك راجل ما ترباش تحت الظل
خاوتي خوكم رح يموت شهيد بطل
رح يوكلو الحوت بصح يموت فحل
يمى امسحي دموعك الغاليين
انا رحت عجالك حبيت نبعتك للحرمين
رحت عجال بابا باه الفقر ما يخليهش حزين
رحت عجال خاوتي المحرومين
نفرحهم و نعيشهم سﻻطين
الله غالب مكتوب رب العالمين
يمى ولدك راح للرحمان الرحيم
بابا ولدك
#حراڤ_الى_يوم_الدين
مرزية
عضو مميز
 
مشاركات: 2484
اشترك في: الثلاثاء نوفمبر 25, 2014 2:15 pm
قمت بتوجيه الشكر: 286 مرة / مرات
تم توجيه الشكر لك: 337 مرة / مرات

Re: كلمات حراڤ

مشاركةبواسطة سوسن » الثلاثاء سبتمبر 19, 2017 2:57 pm

بكاتني بزااف هذا الكلمات و الله يرحم و يغفر للحراقة الي كلاهم البحر .مكانش واحد في الدنيا يكره بلادوا و يفرق والديه و اصحابوا بصح الكأس فاض ماعادْ يزيد يحمل و يا ربي جيبْ الخير لهذا البلاد و احفظ شعبها
صورة
صورة العضو الشخصية
سوسن
عضو مميز
 
مشاركات: 3460
اشترك في: الاثنين نوفمبر 17, 2014 5:04 pm
قمت بتوجيه الشكر: 357 مرة / مرات
تم توجيه الشكر لك: 612 مرة / مرات

Re: كلمات حراڤ

مشاركةبواسطة مرزية » الثلاثاء سبتمبر 19, 2017 3:23 pm

وأنا كذلك بكاتني فهي حزينة تحكي الواقع المر لأولاد البلاد
الله يجيب الخير و يفرج على كل مؤمن.
آمين.
مرزية
عضو مميز
 
مشاركات: 2484
اشترك في: الثلاثاء نوفمبر 25, 2014 2:15 pm
قمت بتوجيه الشكر: 286 مرة / مرات
تم توجيه الشكر لك: 337 مرة / مرات


العودة إلى الدارجة العامية الجزائرية

الموجودون الآن

المستخدمون المتصفحون لهذا المنتدى: لا يوجد أعضاء مسجلين متصلين و 1 زائر

cron